დღე მეცხრე

დასრულდა 9დღიანი ტრენინგები,, პროექტზე დაფუძნებული სწავლება და ინფორმაციულ-საკომუნიკაციო ტექნოლოგიების ინტეგრირება". ტრენინგები საინტერესოდ და შინაარსიანად წარიმართა. ტრენერის მიერ შემოთვაზებული აქტივობები ხალისიანს ხდიდა მუშაობის პროცესს.
ვისწავლე თუ როგორ დავგეგმო სასწავლო პროექტი,როგორ ჩავრთო მოსწავლეები  და მათი მშობლები,როგორ მოვამზადოთ საიტერესო პრეზენტაცია და ა.შ.
ბლოგზე მუშაობის პროცესში  გავეცანი სიახლეებს.
ამრიგად, პროექტზე დაფუძნებული სწავლება მნიშვნელოვანია მოსწავლეებისათვის, მათ განუვითარდებათ  21-ე საუკუნის უნარ-ჩვევები.

პროექტის პორტფოლიო

პორტფოლიოს საქაღალდე

დღე მერვე

დღეს ვისაუბრეთ ფასილიტაციის ტექნოლოგიებსა და დიფერენცირებულ სწავლებაზე.
გავითამაშეთ ფასილიტაციის სიმულაცია,მოვიძიეთ ფოტორესურსი სლაიდისთვის ,,თასმების შეკვრის ინსტრუქცია".აქტივობა სახალისოდ წარიმართა.
ვფიქრობ, ფასილიტაცია ტექნოლოგიების გამოყენებით ბევრად სახალისოს და ნაყოფიერს გახდის პროექტზე მუშაობის პროცესს.
კიდევ ერთხელ გადავხედე ჩემი პროექტის გეგმას.ერთი ნაბიჯიც და პროექტი უკვე მზად მაქვს.

პროექტის პრეზენტაცია

დღე მეშვიდე

საინტერესოდ წარიმართა ტრენინგის მეშვიდე დღე.

დღეს გავეცანით მეთოდებს და მივიღეთ რჩევები უკუკავშირისთვის. განვიხილეთ შეფასების სტრატეგიები. 

როგორც ცნობილია უკუკავშირი ნებისმიერი შემოქმედებითი პროცესის აუცილებელი და მნიშვნელოვანი კომპონენტია. კარგად ჩამოყალიბებულ უკუკავშირს სარგებელი მოაქვს მისთვის, ვინც გასცემს და მათთვისაც ვინც იღებს მას. ამის გათვალისწინებით შევადგინეთ მოსწავლეთა შეფასების ფორმები.

დღე მეექვსე

 ბლოგზე ავტვირთეთ პროექტის პრეზენტაცია.  შევქმენით სასწავლო ნიმუშები, დავგეგმეთ მოსწავლის სავარაუდო ნაშრომის ნიმუში და მისი ჩეკლისტი. ნაყოფიერი დღე გვქონდა.კმაყოფილი ვარ.

დღე მეხუთე

გავეცანით ტექნოლოგიების გამოყენებასთან დაკავშირებული სამართლებრივი და ეთიკური პრაქტიკის მოდელირებასა და სწავლებას; თუ როგორ გამოვიყენოთ ინტერნეტი კვლევისთვის;აგრეთვე გავეცანით ინტერნეტ თანამშრომლობითი სასწავლო რესურსების გამოყენებას.

დღე მეოთხე

დღეს განვიხილეთ შეფასების სხვადასხვა მეთოდი. განვსაზღვრეთ შეფასებები მოსწავლეთა საჭიროებების დასადგენად. შევავსე  შეფასების დროის ჩარჩო.ნელ-ნელა დავხვეწე პროექტის გეგმა.ამასთან ერთად ვამზადებ პრეზენტაციას ჩემს სასწავლო პროექტზე.
საინტერესოდ და ნაყოფიერად წარიმართა დღევანდელი ტრენინგი.

დღე მესამე

დღეს დავგეგმე სასწავლო პროექტი, გამოვიყენე საგნობრივი სტანდარტები, დავწერე მოკლე შინაარსი (4-5 წინადადებით). მოვახდინე  მიმართულების მიმცემი საკვანძო კითხვების ფორმულირება, რომელიც შემდგომში ხელს შეუწყობს მოსწავლეთა ჩართულობას პროექტში.
ბევრი რამ გავიგე და ბევრიც გავიხსენე.ამისთვის დიდი მადლობა დიმიტრის.

დღე მეორე

ჩემი პროექტის ძირითადი არსია , რომ მოსწავლეები შევაჩვიო წიგნებთან დამოუკიდებლად მუშაობას.უცხო ტექსტების კითხვას, გაგებას, გააზრებას,ანალიზსა და შეფასებას.
ამისთვის გამოვიყენებ საინფორმაციო საკომუნიკაციო ტექნოლოგიებს, ტექნოლოგიების გამოყენებით მოსწავლეები მოამზადებენ ჩეკლისტებს, რომლის მეშვეობითაც თანამიმდევრობით  წარმართავენ მუშაობის პროცესს. დღეს შევისწავლე ბროშურის მომზადება, რომელიც მნიშვნელოვანია პროექტის ეფექტურად მიმდინარეობისთვის. მოსწავლეებთან ერთად ვქმნი ტექსტს მშობლებისა და მასწავლებლებისთვის.